میانمار کا فوجی طیارہ گر کر تباہ/ 116 افراد ہلاک

مہر خبررساں ایجنسی نےغیر ملکی ذرائع کے حوالے سے نقل کیا ہے کہ میانمار کا فوجی طیارہ گر کر تباہ ہوگیا ہےجس کے نتیجے میں اس میں سوار 116 افراد ہلاک ہوگئے ہیں۔ اطلاعات کے مطابق طیارے میں ایئر فورس افسران اور ان کے اہل خانہ کے ساتھ  عملے کے 14 ارکان سوار تھے۔میانمار کے کمانڈر ان چیف آفس کے جاری بیان میں کہا گیا ہے کہ طیارے سے رابطہ مقامی وقت کے مطابق دوپہر ایک بجکر 35 منٹ پر منقطع ہوا جب وہ مغربی علاقے داوئی ٹاؤن سے 20 کلومیٹر کے فاصلے پر تھا۔